International film ni Alden iniintriga 

MATABIL
ni John Fontanilla

INIINTRIGA ngayon ng ilang netizens ang ginawang Hollywood film ni Alden Richards, ang Big Tiger. Hindi ‘di raw pang-Hollywood ito kundi pang local lang.

Ang nasabing pelikula ay produced ng tatlong International film outfits, ang Myriad Entertainment Corporation na pag-aari ni Alden, Birns & Sawyer Studios, Voltage Pictures, at Lux Angeles Studios.

Ang kabuuan ng Big Tiger ay kinunan sa Pilipinas sa direksiyon ni Keoni Waxman.

Ayon nga kay Alden, “To answer the question if the film is shot here, regardless of the production, if it’s international or local, does it make it like Hollywood grandeur?

“Kasi, it’s gonna be shown globally. Here, we’re so used to the surroundings,

“Pero outside, they’ll love it. For our international partners, they love it.

“It’s a different film within a film. Nag-iba ang impression nila rito sa Pilipinas.”

Sa mga bumabatikos sa International movie ni Alden, deadma lang ang aktor at mas nagpo-focus na lang sa kanyang sandamakmak na trabaho at excited ito sa pagpapalabas ng kanyang movie globally.