Video ng mga bida ng I’m Perfect viral sa social media 

MATABIL
ni John Fontanilla

PATOK na patok sa social media ang mga nakatutuwa at nakai-inspire na video ng mga bida sa pelikulang I’m Perfect na entry ng Nathan Studios sa Metro Manila Film Festival 2025 na ang mga bibida ay ang mga batang may  Down Syndrome.

Ito ang kauna-unahang pagkakataon na magsasama-sama at bibida  sa isang pelikula ang mga kabataang may Down Syndrome sa MMFF, kaya naman napaka-espesyal ng taong ito ng festival.

Pinusuan ng libo-libong netizens ang very inspiring video ng mga ito na ang iba ay nag-iwan pa ng napakagagandang komento at ilan dito ang sumusunod.

 “It is also a marking of significant step for inclusive narratives within the Philippine cinema.

“When the world says they can’t… they’ll show us they can emphasizing capability and breaking boundaries.”

Ang I’m Perfect ay pagbibidahan nina Jiro (Earl Jonathan Amanda) at Jessica (Anne Krystel Daphne Go) na magkakakilala hanggang sa magkagustuhan.

Makakasama rin nina Earl at Anne sa pelikula sina Sylvia Sanchez, Janice De Belen at Lorna Tolentino with  Tonton Gutierrez, Joey Marquez, at Zaijian Jaranilla sa direksiyon ni Sigrid Andrea P. Bernardo.