HATAW! D'yaryo ng Bayan hatawtabloid.com
RATED R
ni Rommel Gonzales
HINDI totoo!
Iyan ang sagot ni Zanjoe Marudo sa pang-uusisa kung totoong hiwalay na sila ng misis niyang si Ria Atayde.
“Wala na akong reaksiyon sa mga ganyan,” patungkol ni Zanjoe sa mga balitang walang katotohanan.
“Napakarami na ng fake news na lumalabas talaga sa YouTube.
“Ang dami nang tumatawag sa akin [na ang iba ay nasa abroad]… ‘Totoo ba, totoo ba?’
“Sabi ko, ‘Bakit ‘yan ang libangan niyo?!’
“Tapos kasi, gusto nilang malaman, kasi para ikukuwento nila sa mga kaibigan nila roon na hindi totoo. Hindi totoo,” ang bulalas ni Zanjoe sa mediacon ng UnMarry ng Quantum Films.
Pero hindi naman lingid sa kaalaman ng publiko, actually ng buong bansa, na may pinadaraanan ang pamiya ng misis ni Zanjoe, ang mga Atayde, ukol sa imbestigasyon sa mga flood control projects.
“Hindi naman lingid sa mga tao na may pinagdaraanan nitong mga nakaraang buwan.
“The best way kasi is parang support lang. Iyon naman ‘yung mga ipinangako namin sa isa’t isa na, ‘through thick and thin, nandito ako para sa iyo.’
“Kumbaga, hindi tayo magdadalawang-isip sa isa’t isa.”
Hindi naman siyempre maiiwasan na masaktan ang buong pamilya sa mga negatibong isyu.
“Sa part namin, parang… I don’t think involved naman kaming dalawa
“Pero siyempre, masakit. Masakit na ang mga mahal mo sa buhay ay naaapektuhan.
“Lahat naman ito, lilipas at magkakaroon ng magandang kapalit, at dapat malalaman din naman talaga kung ano ‘yung nangyari,” pahayag pa ni Zanjoe.
Dahil sa mga nangyayari ay lalo raw tumitibay ang relasyon nilang pamilya, lalo na ang pagsasama nila ni Ria.
“Actually, we’re okay now. Lahat kami, okay kami. Mas tumibay kami.
“Nakikita namin kung ano ‘yung value, kung hanggang saan namin kayang, kumbaga, kapitan ‘yung isa’t isa.”
Ray of sunshine raw ang anak nila ni Ria na tulong sila nito sa pag-aalaga.
“Sobrang sarap,” saad ni Zanjoe.
“Ayokong ma-miss ‘yung time na ito na ganitong age siya. Ang bilis, eh.
“Napansin ko, sobrang bilis.
“Oh my God! Sa susunod na taon, iba pa rin ‘yung experience. Excited ako sa challenges na haharapin namin.
“I think naman, wala nang katapusan ito.”
Napag-uusapan na raw nila ni Ria na sundan ang panganay nila at sana ay babae naman.
“Pinag-uusapan na. Sana! Next year. Sana! Ibe-bless pa rin kami!
“Sana, para may boy and girl.”
Kasama ni Zanjoe sa UnMarry sina Angelica Panganiban, Eugene Domingo, Tom Rodriguez, Solenn Heussaff, Nico Antonio at introducing dito ang batang si Zac Sibug, at may special participation si Angel Aquino.
Mula ito sa direktor na si Jeffrey Jeturian at opisyal na entry sa 51st Metro Manila Film Festival sa Disyembre 25.
