HATAW! D'yaryo ng Bayan hatawtabloid.com
MATABIL
ni John Fontanilla
GUSTONG makapasa ni Kean Cipriano ang Divorce Bill para mabigyang kalayaan ang mga taong naiipit o iyong hindi na masaya sa kanilang marriage.
Ayon nga kay Kean sa mediacon ng Bar Boys 2, “Sabi mo nga, for someone like us na happily married at pareho kami ng asawa ko ng thinking.
“Masuwerte kami na happily married. Pero, paano naman ‘yung nasa toxic na relationship or mayroong abuse sa marriage or anuman na hindi maganda nangyayari sa marriage?
“Alam naman natin na it’s a lot of works. Kung ano kayo nong ikinasal kayo, definitely, kapag nagsama kayo as years goes by, nag-iiba.”
Anyway’s ginagampanan ni Kean ang role ni Joshua Zuniga sa Bar Boys 2.
Naniniwala ito na perfect ang sequel dahil 10 years din ang hinintay ng mga tagasubaybay nito bago magka-part 2.
“Ano ‘to, it’s the perfect sequel sa pelikula. Meatier siya in-terms of storyline and characterization namin.
“Kasi, 10 years ang lumipas bago magawa ang film na ‘to.”
Makakasama ni Kean sa Bar Boys 2 sina Carlo Aquino, Rocco Nacino, Enzo Pineda, Will Ashley, Glaiza de Castro, Klarisse de Guzman, Therese Malvar, Sassa Gurl, Emilio Daez, Bryce Eusebio, and Ms. Odette Khan. Directed by Kip Oebanda. Produced by 901 Studios. Showing on December 25, 2025.
