Arnell sa lalaki at bakla: walang pagkakaiba

RATED R
ni Rommel Gonzales

ISA sa mga bida sa gay-themed movie na Jackstone 5 ang komedyante at host na si Arnell Ignacio.

Ani Arnell, “Marami rin akong mga kaibigang talagang true grit na straight.

“Siyempre, hindi ko naman sila kinukuwentuhan ng mga sexual escapade ko. Hindi sila maka-relate roon.

“Pero what I wish they will discover, that there’s really not that much of a difference.”

Pananaw ni Arnell, mapa-bakla o mapa-lalaking tunay ay pare-pareho lang naman.

“‘Yung bading, siguro naiba lang sa tono kung paano naglalahad ng kanyang kuwento.

“Basically, pareho lang naman, eh.

“Pareho lang, ang mga lalaki, may babaero. Pareho lang ang problema, nag-iiba lang ‘yung character.

“Napansin niyo, hindi naman niyo nararamdaman na nanonood kayo ng mga bakla, eh. Naaaliw lang tayo, kasi ang mga bakla kasi, ang ingay.

“Ang mga straight, hindi maingay. Pero ‘yung basic na nangyayari sa kanyang kaisipan, ang kanyang mga hinaharap na suliranin, pareho lang.

“So sana, through this movie, makapag-contribute ng realization na there’s not much to be debated upon.

“Hindi naman tayo kailangang mag-debate kung bakit tayo magkakaiba.

“Hindi naman tayo magkakaiba, eh.

“And iba lang ‘yung tono, pero ‘yung sinasabi at isinasalaysay ay pareho lang,” paliwanag pa ni Arnell.

Palabas sa mga sinehan simula ngayong December 3 at kasama rin sa pelikula sina Joel Lamangan (na actor/director sa movie), Gardo Versoza, Jim Pebanco, at Eric Quizon, mula sa APEX Creative Production, Inc., with Dennis Evangelista as line producer.