Sa ilalim ng bagong partnership sa Velza Global
Tonino Lamborghini Energy Drink bibighani sa panlasa ng mga Pinoy

ANG kilalang Lamborghini’s iconic  Italian Lifestyle brand ay nais makuhang pumasa sa panlasa ng mga Filipino matapos makipagtulungan sa  FMCG at lifestyle player Velza Global Co., upang ilunsad nang eklusibo sa Filipinas ang  Tonino Lamborghini Energy Drink.

Pormal na inihayag ng dalawang kompanya ang kanilang estratehikong pakikipagsosyo, na nagpapahiwatig ng unang tiyak na pagpasok ng inuming ito sa merkado ng Filipinas.

 “We are pleased to welcome our new partner in the Philippines. Together, we will bring the energy, determination and the uncompromised spirit of my brand to a dynamic and fast-growing market. This marks the beginning of a shared journey driven by ambition and excellence,” ani Tonino Lamborghini.

Sinabi ni Velza Global CEO  Ajit Narapareddy, ang pakikipagsosyo ay pagsasama ng “Italian performance at Filipino ambition,” na binanggit ang posisyon ng energy drink ay umaayon sa mabilis na lumalaking pagkahumaling ng mga mamimiling Filipino sa mga premium lifestyle products.

“We are proud to bring the energy and passion of the Lamborghini brand to the Philippines. We are not just launching a luxury beverage; we are delivering the fuel for a high-octane lifestyle to the Philippine market,” dagdag ni Narapareddy.

Idinisenyo sa Italya at ginawa gamit ang eksklusibong resipe para sa mga Filipino, ang Tonino Lamborghini Energy Drink ay naglalayong maakit ang mga mamimiling “hindi handang magkompromiso.” Ipinapakita nito ang mga kilalang katangian ng brand—estilo, sigla, tapang, at isang kakaibang ugaling Italiano.

Ang produkto ay makukuha sa dalawang uri: Original at Zero Sugar. Bawat lata ay may makinis at premium na disenyo na may kilalang sagisag na Raging Bull, na nagpapahiwatig ng pangako ng brand na gawang Italiano.

Inaasahan ng mga Filipino na makikita ang inumin sa mga tindahan simula Pebrero 2026, na may pamamahaging nakatutok sa matataas na antas ng network ng Velza Global, kabilang ang mga mamahaling hotel, eksklusibong klase ng mga miyembro, at piling matataas na antas na tindahan sa buong Metro Manila at mga pangunahing lungsod sa buong bansa.

Ang Velza Global Co., ay isang umuunlad na kompanyang FMCG at lifestyle na nag-aalok ng mahahalaga at hinahangad na produkto sa mga larangan ng inumin, handa nang kainin na pagkain, at pamamahagi ng mamahaling damit. Layunin ng kompanya na maging isa sa pinakamasigla at iginagalang na consumer brand sa Timog-Silangang Asya.

 Mula noong 1981, ang Tonino Lamborghini ay nagtayo ng pandaigdigang reputasyon para sa disenyong Italiano na maganda at mahusay na nagpapalawak ng kanyang brand sa fashion, hospitality, real estate, de-koryenteng sasakyan, at mga mamahaling inumin—kabilang na ngayon ang inaasahang pagpasok ng kanyang energy drink sa Filipinas.