Celebrity designer Jovan Dela Cruz nagbukas ng 4 na negosyo

MATABIL
ni John Fontanilla

BUKOD sa pagiging sikat at celebrity designer, may iba’t ibang negosyong binuksan si Jovan Dela Cruz ng F&S Tailors sa 1414 Maceda St., Sampaloc Manila.

Bukod sa F&S Tailors, mayroon na rin itong coffee shop, ang Whazzup Brew, Siomai Sisig Galore, Master Mini Doughnut, at Deep Fried Tofu.

Ayon kay Jovan, “Bale naisipan kong magtayo ng iba’t ibang negosyo, dahil mahilig ako magkape kaya gusto ko magkaroon ng coffee shop.”

Dagdag pa nito, “Mahilig din akong kumain at paborito ko ang siomai, sisig, at fried tofu, kaya  ganoong negosyo ang ipinundan ko.

“At saka paborito ko rin ‘yung masarap na malilit na donut.

“And para sa future na rin, iba kasi kapag may negosyo ka na ang katuwang mo ay ‘yung pamilya mo. Bale tinutulungan ako sa business ng mga kapatid ko,” pagbabahagi ni Jovan.

Ilan naman sa celebrities na nadamitan na ni Jovan ay sina Sanya Lopez, Jak Roberto, yumaong Mastershowman German Moreno, Jake Vargas, Hiro Magalona, Kristoffer Martin, Will Ashley, Ima Castro, Sephy Francisco, John Nite, Dj Janna  Chu Chu, Dulce, Bugoy Drillon, KZ Tandingan, Teejay Marquez, Zeus Collins, Wrive, Sex Bomb Girls, Buboy Villar, DongPat, Rayver Cruz, Pepita Curtis, Jason Dy, Wilbert Ross, Rodjun Cruz, Anthony Rosaldo, Michael Sager, DJ Jaiho, Brother Bo Sanchez, Ogie Diaz , Benedix Ramos, Jayson Gainza, Morissette Amon, Andre Yllana, Marlo Mortel, Cecille Bravo and Family atbp..