HATAW! D'yaryo ng Bayan hatawtabloid.com
MATABIL
ni John Fontanilla
GRAND champion ang duo nina Rodjun Cruz at Dasuri Choi sa katatapos na Stars on the Floor ng GMA 7, hosted by Alden Richards.
Win na win sa puso ng mga hurado ang napakalinis at napakahusay na final dance performance nina Rodjun at Dasuri, kaya naman sila ang nagwagi.
Pangalawang beses nang nanalo at nag-champion si Rodjun na puwede nang ituring na King of The Dance Floor. Unang nagwagi 18 si Rodjun sa U Can Dance.
Ayon nga kay Rodjun, “Overwhelming! and grabe ‘yung fulfillment!
“Iba ‘yung happiness talaga, kasi after ng hardwork namin, ilang months na training, finally, nakamit din namin ni Dasuri ang tagumpay,” anang aktor.
Dagdag pa nito, “Sobrang saya talaga. Hanggang ngayon ‘yung happines ko is overflowing.”
At kahit dalawang beses na ngang nag-champion sa sayawan si Rodjun ay naniniwala ito na mas magaling sumayaw sa kanya ang kapatid na si Rayver Cruz kahit siya ang nagturo rito.
”Sa totoo lang, magiging honest lang po ako. Ako po ang nagturo kay Rayver na sumayaw.
“Pero sa ngayon, mas magaling po sa akin si Rayver, napakalinis niyang gumalaw at graceful.”
At sa pagwawagi ni Rodjun sa Stars on the Floor ay mga proyekto na itong gagawin sa Kapuso Network at isa rito ang pagbabalik sa pag-arte.
