Pokwang suko na sa pag-ibig, mas focus sa trabaho at pamilya

MATABIL
ni John Fontanilla

HINDI na interesado na maghanap ng bagong pag-ibig si Pokwang bagkus mas gusto na lang mag-focus sa kanyang trabaho at pamilya.

Tsika ng komedyante sa guesting show ni Boy Abunda sa GMA 7 na Fast Talk with Boy Abunda,“Hindi na, wala na, Tito Boy, wala na. Ayoko na,” sagot nito nang matanong tungkol sa pag-ibig.

Kuwento pa ni Pokwang na lilipad siya pa- Amerika para sa series of shows, na biniro ni Tito Boy na baka may ma-meet siyang bagong pag ibig sa USA.

“Ayoko na po. Okay na okay na ako sa mga anak ko, okay na ako sa negosyo ko, okay ako sa career ko. I’m happy,” sagot ng komedyante.

Tinanong din ito ni Tito Boy kung may chance bang makipag -reconcile siya sa kanyang  ex-partner na si Lee O’Brian, na sinagot ni Pokwang ng, “Bilhan niya ako ng island.”

Mukhang malabo na ngang maging okey at magkabalikan sina Pokwang at Lee at malabo na ring magkaroon ng bagong pag-ibig ang mahusay na komedyana lalo’t mas gusto na lang nitong mag-focus sa trabaho at pamilya.