Isang ASEAN sa Palakasan: Sama-sama Tungo sa Mas Matatag na Mundo ng Sports!

LEVEL UP na ang ASEAN pagdating sa grassroots sports, kahusayan ng atleta, at sports tourism! 

Sa sunod-sunod na world-class na events at galing ng mga atleta sa international stage, unti-unti nang kinikilala ang Southeast Asia bilang bagong sentro ng sports sa buong mundo. 

Sa 8th ASEAN Ministerial Meeting on Sports (AMMS-8) sa Hanoi, Vietnam, ibinahagi nina PSC Chairman Pato Gregorio at Commissioner Bong Coo kung gaano kahalaga ang sports sa kultura ng ating rehiyon. Ayon sa kanila, ang palakasan ay hindi lang pampalakasan—ito rin ay tulay ng pagkakaisa at pag-unlad ng ASEAN.

 “Malaki ang potensyal ng ASEAN. Gamitin natin ang sports bilang paraan para pag-isahin, itaas, at baguhin ang rehiyon. Kaya nating maging bagong sports tourism powerhouse,” ani Chairman Gregorio.

Patunay diyan ang tagumpay ng Pilipinas at Indonesia sa pag-host ng 2023 FIBA Basketball World Cup. Sunod pa rito, ang Pilipinas at Thailand ay parehong gumawa ng kasaysayan sa pagdaraos ng 2025 FIVB Volleyball Men’s at Women’s World Championships.

Sa Paris 2024 Olympics, limang ginto ang naiuwi ng ASEAN athletes—dalawa rito ay mula sa ating kababayan na si Carlos Yulo sa gymnastics!

 Mula sa simpleng simula, patungo sa ginto. Mula sa ginto, patungo sa greatness. Pinag-iisa ng sports ang mga bansa sa ASEAN.

 At ngayong 2026, nakatakdang pamunuan ng Pilipinas ang ASEAN Summit on Tourism and Sports kasabay ng pagho-host ng ika-50 ASEAN Summit. Layunin nito na maglatag ng mas malawak na kooperasyon para mapalakas pa ang presensya ng rehiyon sa buong mundo. (HNT)

Proud tayo, mga Pinoy! Tuloy lang ang laban!

#HappyAtletangPinoy

#HAPI