SPEED nag-abot ng tulong sa mga batang may sakit

NAGKAROON ng mas malalim na kahulugan ang ika-8 edisyon ng The Eddys (The Entertainment Editors’ Choice), na ginanap noong Hulyo 20, ngayong taon dahil ang Society of Philippine Entertainment Editors (SPEED), ang grupo sa likod ng taunang mga parangal sa pelikula, ay nag-abot ng tulong sa Little Ark Foundation bilang natatanging benepisyaryo.

Layunin ng partnership na magbigay-suporta sa mga bata na nakikipaglaban sa mga kondisyong medikal na nagbabanta sa kanilang buhay.

“We are deeply grateful to SPEED and The EDDYS for choosing Little Ark Foundation as this year’s beneficiary. Little Ark may be new, but our dream has always been big: to stand with every child and family fighting life-threatening illness,” wika ng founder ng Little Ark na si Butch Bustamante sa naganap na turnover ng tseke bilang donasyon noong Setyembre 30 sa Quezon City.

“They have not only provided financial help, but more importantly, they have given our patients and families a platform to share their struggles and stories with the world. For us, that recognition is hope itself,” dagdag ni Bustamante.

Pinuri naman ng pangulo ng SPEED na si Salve Asis ang pagsisikap ng Little Ark na suportahan ang mga bata, “Not only with the care they need but also by giving them a safe place to heal and dream.

“This year, The Eddys goes beyond recognizing cinematic excellence by standing with the children who bravely fight for their lives,” pahayag pa Asis.

Ang Little Ark Foundation ay nagbibigay ng holistic assistance sa pediatric na pasyente at kanilang mga pamilya, kabilang ang pabahay para sa mga pasyente, tulong sa transportasyon sa pamamagitan ng Hope in Transit program nito, at pang-araw-araw na suporta sa pagkain.

Ang organisasyon ay nag-aayos din ng mga aktibidad sa paglalaro para sa mga batang pasyente at namamahala sa Care Cart at Care Baskets na mga inisyatiba, na nagbibigay ng kaginhawahan sa mga bata, tagapag-alaga, at kawani ng ospital.

Para sa iba pang impormasyon available ito sa littlearkfoundation.org o sa [email protected] at +63 906 403 9569.