Super Typhoon Nando lalong lumakas; klase, pasok sa gobyerno suspendido

IDINEKLARA ng Malacañang ang suspensiyon ng mga klase at pasok sa mga tanggapan ng pamahalaan sa 30 lugar sa bansa, ngayong Lunes, 22 Setyembre, dahil sa inaasahang malakas na pag-ulan na hatid ng super typhoon Nando at habagat.

Mula sa rekomendasyon ng National Disaster Risk Reduction and Management Council (NDRRMC), sinuspinde ng Office of the President ang pasok sa mga tanggapan ng gobyerno at mga klase sa lahat ng antas sa mga sumusunod na lugar:

Metro Manila

Abra

Antique

Apayao

Bataan

Batanes

Batangas

Benguet

Bulacan

Cagayan

Cavite

Ifugao

Ilocos Norte

Ilocos Sur

Isabela

Kalinga

La Union

Laguna

Mountain Province

Nueva Ecija

Nueva Vizcaya

Occidental Mindoro

Oriental Mindoro

Pampanga

Pangasinan

Palawan

Romblon

Rizal

Tarlac

Zambales

Sa kabila ng suspensiyon, mananatiling operational ang mga ahensiyang naghahatid ng serbisyo sa kalusugan at tumutugon sa agarang pangangailangan ng mga mamamayan.

Maaaring ipatupad ang kanselasyon ng klase at trabaho sa pamahalaan sa iba pang mga rehiyon ng kanilang mga Local Chief Executive.

Samantala, ang suspensiyon ng trabaho sa mga pribadong kompanya at tanggapan ay nasa diskresyon ng kanilang pamunuan.