Barbie at Jameson friends lang

MA at PA
ni Rommel Placente

IDINENAY ni Barbie Forteza ang kumakalat na balita na umano’y jowa niya na si Jameson Blake. 

Matagal nang usap-usapan na nagkakamabutihan na sina Barbie at Jameson dahil kumalat ang video at mga litrato ng dalawa na kuha sa isang running event sa Pampanga na makikitang magka-holding hands pa sila at kakaiba na ang tinginan sa isa’t isa.

Feeling ng fans, may something na nga kina Barbie at Jameson at naghihintay lamang ng tamang panahon para umamin.

Pero sa interview ng 24 Oras kay Barbie, nagsalita na nga ito tungkol sa tunay na estado ng relasyon nila ni Jameson. Aniya, ininvite talaga siya ng binata sa nasabing fun run.

“Actually, marami nga masyadong na-confuse, paano ba nag-krus ang landas namin ‘di ba? So, nagkasama kami sa pelikula,” sabi ni Barbie.

Aniya pa, “Itong recent run namin, siya naman ‘yung nag-invite. Just like how my other runner friends invite me to run. ‘Yun lang talaga ‘yun. And we are not together.”

Ganito rin ang naging pahayag ni Jameson sa panayam sa kanya ng talent manager at host na si Ogie Diaz.

“Honestly, we are not together. The reason why nahuli kami holding hands kasi andaming tao noong nagpa-picture sa kanya. I was just assisting her palabas,” ani Jameson.