Kathryn at Mayor Mark spotted sa BGC

MA at PA
ni Rommel Placente

SPOTTED na magkasama umano sina Lucena Mayor Mark Alcala at ang aktres na si Kathryn Bernardo sa Bonifacio Global City (BGC) noong June 6, 3:00 a.m., ayon sa report ng showbiz insider na si Ogie Diaz sa kanyang Showbiz Update vlog, kasama sina Mama Loi at ate Mrena.

Ayon sa kanila, nakuha nila sa Reddit website na spotted nga sina Mayor Mark at Kathryn, at nakita pa nga ang alkalde na nagpapa-picture sa mga naka-scooter.

Kung totoo ngang magkasama ang dalawa ng madaling araw, ibig sabihin ay talagang may something na sa kanila. Pero saan kaya sila galing at inabot na sila ng madaling araw?

At siguro, inakala nilang walang gaanong tao sa mga ganoong oras, eh, hindi ba nila naisip na maraming call centers sa BGC at maraming umuuwi ng ganoong oras at higit sa lahat maraming gumigimik sa nasabing lugar.

Base sa binasa ni Ogie ay maraming hindi naniniwala dahil wala namang larawang lumalabas bilang resibo na nakikita nga ang dalawa.

Labasan kasi ng resibo ang basehan ngayon para maniwala ang lahat na ‘yung tipong hindi na maitatanggi pa ng mga taong involved.