HATAW! D'yaryo ng Bayan hatawtabloid.com
MA at PA
ni Rommel Placente
KUMALAT sa social media ang Facebook post ng isang fan nina Fyang Smith at Jarren Garcia na sinabi nitong nag-hire siya ng hitman para mawala sa buhay ang ka-loveteam ng aktres na si JMIbarra.
Ang pagbabanta ay unang in-upload sa Facebook page ng JMFYANG ANGELS na mababasa ang death threat.
“Kung hindi mapupunta si Fyang kay Jarren di rin siya mapupunta kay JM kasi sa June last show niya ‘yun.
“May gagawin kaming fandom para mawala si JM nag-hire kami ng hitman para mawala ang tinik saming mga JarFyang si Tito Mak Mak niyo,” sabi sa FB page.
Pinalagan ng Star Magic, talent management ni JM, ang pananakot at pagbabanta sa buhay ng binata. Hindi raw nila tino-tolerate ang anumang personal na atake sa social media laban sa kanilang mga talent.
“Star Magic does not tolerate threats, derogatory remarks, and other personal attacks made online against our artists. These acts have serious and damaging consequences and we will take legal action, if necessary,” sabi sa official statement ng Star Magic.
Kasunod nito, sa latest episode ng Showbiz Updates vlog ni Mama Ogs, sinabi nitong mas okay sana kung masampolan ang fan na naglabas ng death threat.
“Mas maganda nga sampolan nila para ‘pag nag-file kunan nila bilang pananda sa mga netizen na ganoon na lang to go overboard.
“Lalo na parang kilalang-kilala nila ‘yong tao kung manlait sila, at sirain ‘yong reputasyon,” pahayag pa ni Ogie.
Ipinagdiinan ng talent manager at vlogger na may limitasyon din ang paghanga ng fans sa kanilang mga idol.
Pinayuhan din niya sina Fyang, JM, at Jarren na kung maaari ay pakiusapan nila ang fans na huwag nang mag-away-away at suportahan na lamang ang kanilang respective career.
