Suporta sa miting de avance ng tatak Nene Aguilar team, bumuhos

BUMUHOS ang suporta ng libo-libong Las Piñeros sa miting de avance ng Tatak Nene Aguilar Team sa loob at labas ng Aguilar Sports Complex sa Barangay Pilar, Las Piñas City kahapon, Biyernes, 9 Mayo 2025.

Apat na araw bago ang halalan sa 12 Mayo, patuloy ang matibay na tiwala at suporta ng mamamayan ng Las Piñas para sa buong Team Aguilar o Green Team sa pangunguna nina Mayor April Aguilar, Vice Mayor Imelda “Mel” Aguilar, at Congressman Mark Anthony Santos kasama ang kanyang District 1 at District 2  councilors.

Sa ginanap na miting de avance ng mga kandidato ng Green Team, sumentro ang adhikain ng grupo sa patuloy na pagpaprayoridad sa kapakanan ng bawat Las Piñero na nakasandig sa iniwang legasiya ng namayapang Mayor Vergel “Nene” Aguilar.

Kabilang sa mahahalagang programang itinataguyod na ng administrasyong Aguilar ang Kalusugan, Kaalaman, Kaayusan, Kabuhayan, at Kinabukasan na patuloy na tinatamasa ng maraming residente. (EJ DREW)