HATAW! D'yaryo ng Bayan hatawtabloid.com
DALAWANG LINGGO bago ang halalan, namayagpag ang TRABAHO Partylist bilang top 3 sa Pre-Election Preferences for the 2025 Party-List Elections survey na inilabas ng WR Numero Research (WRN) para sa Metro Manila.
Ito na rin ang pinakamataas na naitalang ranggo ng TRABAHO Partylist, numero 106 sa balota, sa mga survey na isinagawa ng WRN.
Tinangkilik din ang TRABAHO maging sa Mindanao, kung saan itinanghal na top 5 party-list.
Sa national cluster, umangat sa ika-13 puwesto ang TRABAHO mula sa ika-50 dating puwesto.
Ang nasabing survey ay nilahukan ng halos 1,894 rehistradong botante nitong 31 Marso hanggang 7 Abril.
Sa nalalapit na Labor Day, pinagtibay ng TRABAHO Partylist ang kanilang adhikain na isulong ang karapatan at kapakanan ng mga manggagawang Filipino, pati na rin ang kanilang patas na oportunidad sa trabaho.
