HATAW! D'yaryo ng Bayan hatawtabloid.com
MATABIL
ni John Fontanilla
MAY magandang balita ang InnerVoices na binubuo nina Atty. Rey Bergado, Rene Tecson Joseph Cruz, Joseph R. Esparrago, Alvin Peliña Herbon, at ang pinakabagong member ng grupo ang kanilang frontman, si Patrick F. Marcelino, ang bago nilang kanta ngayong taon.
Ito ay ang mga awiting Meant To Be, Galaw, Idlip, at Tubig, Hangin, Apoy, Lupa o T. H. A. L.
Ani Atty. Rey ukol sa awiting Meant To Be, “ako ‘yung gumawa ng kanta noong 2016. Buo na ‘yung Innervoices pero nag-release
kami ng album under Universal Records, may nagsabi sa akin, ‘maganda bakit ‘di mo isinama?’ I felt siguro something is telling me no. Sabi ko at saka na siguro may time para i-release ‘yan.
“And then nagka-hiatus ‘yung banda noong 2017 so, hindi namin siya nai-record and noong dumating si Angelo iba naman ‘yung forte niya. So kung maaalala n’yo rock ‘yung kinakanta namin. We tried na i-record nga pero we both knew na hindi babagay kaya naitabi ulit.
“And come 2024 si Patrick nag-message sa akin, ‘puwede bang humingi ng pa-birthday?‘ kasi birthday niya noong December. Sabj ko ano gusto mo? Sagot niya, ‘ibigay mo na lang sa akin ‘yung ‘Meant To Be,’ kasi parang ‘di n’yo naman kakantahin.
“Sabi ko oo hindi naman kasi namin kakantahin, ibinigay ko sa kanya, so inirecord namin noong 2024.
“Tapos sumunod ‘yung ‘Idlip’ ganoon din ibinigay sa akin ni Bob, sige i record natin, so naging dalawa na ‘yung kanta niya.
“Pero intended namin ‘yun i-release as solo niya kasi gusto ko siyang tulungan dahil sabi niya na everytime na a-absent si Angelo siya ‘yung papalit.
“Parang gusto kong tumanaw ng utang na loob kasi mahirap ‘yun. Totoo mahirap palitan si Angelo on stage, but nakukuha niya ‘yung tao and I know kaya niya. But alam ko ‘yung adjustment na gagawin niya kapag kami ‘yung kasama niya. So, sabi ko sige bibigyan kita ng break.
“Eh dumating nga ‘yung development na ganito we might as well kunin ka na naming singer ‘yung ini-record natin gamitin natin sa Innervoices, talagang ‘Meant To Be,’ so bumagay talaga ‘yung title.
“About ‘Galaw,’ si Glen humingi rin sa akin ng tulong, you know my advocacy is to help musicians talaga, I’m not here para sa sarili ko, dahil coming from the industry when I was in college gusto ko ring tumulong.
“So nagbigay siya sa akin ng kanta, sinabi niya, ‘baka puwede mo akong tulungan sa mga song ko?’ Ibinigay niya sa akin ‘yung ‘Galaw,” mahabang pagbabahagi ni Atty Rey.
Nabuo ang awiting Galaw ayon sa composer nito na si Glen dahil tipo na gumawa ng dance music dahil panatiko siya ng Manila Sound.
Habang ang awiting Idlip ay para naman sa mga strong women na hindi pa handang magmahal, at ang Tubig,Hangin,Apoy, Lupa (T. H. A. L) ay tungkol naman sa pag-big.
Magiging abala ang InnerVoices ngayong taon sa promotion ng kanilang songs at sa dami ng kanilang gigs.
