HATAW! D'yaryo ng Bayan hatawtabloid.com
MA at PA
ni Rommel Placente
ILANG araw din pinagpiyestahan ng ibang netizens ang kalagayan ni Maricel Soriano. Sa bonggang post birthday celebration kasi nito last April 8 ay marami ang nagulat kung bakit nahirapang maglakad mag-isa at kinailangang akayin ng dalawang tao.
Halos hindi siya makatayo at laging nakaupo.
Iba’t ibang espekulasyon ang lumabas at ang kanyang fans ay nag-alala sa kung anong sakit niya. Hanggang sa mismong siya na ang naglinaw ng pinagdaraanang sakit sa pamamagitan ng kanyang youtube channel.
Siya pala ay may spine arthritis. Masakit daw ang buong likod niya hanggang leeg. Ine-injection-an naman siya ng streoids sa spine, pero matagal mawala kaya iika-ika siya sa kanyang birthday celebration.
Masakit din daw ang kaniyang mga paa na parang may tumutusok-tusok.
On top of it, may pinched nerve rin siya at hereditary ito dahil ang kapatid na si Bec ay may parehong nararamdaman din.
Gagaling naman daw ang kanyang sakit.
Payo nga raw sa kanya na magpaopera para matapos na ang sakit pero tinitingnan pa ang ibang paraan para hindi na umabot sa surgery.
Ayaw kasi niya dahil minsan na siyang na-caesarian.
“Operation is not a joke,” biro niya.
Nagte-theraphy naman na ang Diamond star.
Naglalakad-lakad sa swimming pool na ipinayo sa kanya bukod pa sa pag-i-exercise araw-araw.
