Juday pinakamagandang artista para sa kanya si Kristine

MA at PA
ni Rommel Placente

NANG sumalang si Judy Ann Santos sa  Fast Talk ith Boy Abunda, isa sa naitanong sa kanya kung sino ang pinakamagandang artista para sa kanya. Sagot ng magaling na aktres, si Kristine Hermosa.

O ‘di ba, bongga ang misis ni Oyo Boy Sotto dahil sa rami ng magagandang aktres sa showbiz ay siya ang binanggit ni Juday na pinakamagandang artista.

Tiyak maraming mamba-bash kay Juday at sasabihin nila na marami pang artistang mas maganda kay Kristine at magbabanggit pa sila ng mga pangalan.

Pero irespeto na lang nila dapat si Juday, kung para sa kanya ay si Kristine ang pinakamaganda, ‘di ba? Choice niya si Kristine, wala tayong magagawa.

In fairness naman kay Kristine, nakita na namin siya ng personal noong aktibo pa sa showbiz at talaga namang maganda.

Sa tanong naman kung sino ang pinakamagaling na artista para sa kanya, ang sagot niya ay ang parehong sumakabilang buhay na sina Charito Solis at Nida Blanca.