I’m very happy and yes still single — Kathryn

MA at PA
ni Rommel Placente

TINULDUKAN na ni Kathryn Bernardo ang napapabalitang umano’y boyfriend na niya si Lucena Mayor Mark Alcala, na ito ang ipanalit ng dalaga kay Daniel Padilla.

Sa ginanap kasing ABS-CBN Ball 2025 noong Biyernes ng gabi sa Solaire North na rumampa si Kath ng solo ay tinanong siya ng host ng event na si Gretchen Fullido kung taken na ba siya o single. 

Sagot ni Kathryn, “I’m very happy and yes still single.”

So,base sa naging sagot ni Kath, wala siyang lovelife o karelasyon ngayon. Tsismis lang ang pagkakaugnay niya kay Mayor Mark.

At siyempre pa, happy ang mga faney ng KathNiel, na umaasa pa rin na magkakabalikan ang dalawa.

Pero bago pa na-interview si Kathryn at ipinagtapat ang pagiging single, nauna nang na-interview si Mommy Min, ina ng aktres, na sinabing single pa ang anak.