HATAW! D'yaryo ng Bayan hatawtabloid.com
ISA sa mga hinangaan sa mga rumampa na nakabikini sa katatapos na fashion show ng isang brand ay si Sunshine Cruz. Sa edad 47 ay hot mama pa rin ito.
Pero may naging rebelasyon ang aktres sa kanyang Instagram.
Inamin niyang na-diagnose siya kamakailan na may myasthenia gravis, isang uri ng autoimmune disease.
Sey niya sa post, “It’s been a real roller coaster these past months. I was diagnosed with an auto immune disease called myasthenia gravis which has made building muscle a real struggle.”
Ayon sa pag-aaral, ang myasthenia gravis ay autoimmune condition na nagiging sanhi ng panghihina at mabilis na pagkapagod ng mga kalamnan.
Karaniwan daw itong nararanasan ng mga kababaihang nasa edad 40 pataas at mga kalalakihang higit 60 ang edad.
Lumalabas sa mga pag-aaral na wala itong lunas ngunit may mga gamot na tumutulong upang ma-manage ang mga sintomas nito.
