Bianca Umali itinuturing na luho ang mga libro

RATED R
ni Rommel Gonzales

DUMALO si Bianca Umali sa Philippine Book Festival 2025 sa SM Megamall at nagbigay saya sa mga book lover noong March 20. 

Sa isang interview sa 24 Oras, ibinahagi ni Bianca ang pagmamahal sa pagbabasa. “Libro talaga ang luho ko sa buhay, and to be here and to see my fellow readers and critics, nakaka-excite to know what their interests are.”

Binasa ni Bianca ang librong isinulat ni Nelson Canlas na pinamagatang Si Migoy ang Batang Tausug. Nagkaroon din ng cooking demo para ipakilala ang Tausug delicacies.

Pinatunayan ni Bianca na ang kanyang pagmamahal sa mga libro ay higit pa sa luho, ito ay isang paraan upang ipagdiwang ang kultura at tradisyon ng Pilipinas.