HATAW! D'yaryo ng Bayan hatawtabloid.com
NADISMIS ang lahat ng kasong isinampa laban sa misis ni Chito Miranda at negosyanteng si Neri Miranda ukol sa umano’y investment scam ng isang beauty clinic.
Sa official statement mula sa legal counsel ni Neri (FLO Attorneys), ibinasura ng Pasay City Regional Trial Court ang lahat ng pending cases laban sa aktres..
Kabilang sa mga na-dismiss na kaso na isinampa sa Branch 112 ng Pasay RTC ang syndicated estafa complaint.
“We thank the courts for clearing the name of Neri Miranda, who has unmistakably been falsely accused of wrongdoing in the Dermacare case.
“We hope that this issue will be put to rest as regards to Neri, so that instrumentalities of the law can focus on bringing the true perpetrators of the Dermacare scam to justice,” ayon sa mga abogado ni Neri sa naging desisyon ng korte.
Ayon naman sa Acting Presiding Judge Ronald August L. Tan, “The private complainants never alleged being defrauded by (Miranda). More mind-boggling is that private complainants never asserted having personally transacted with or handed over money to (Miranda).
“Therefore, the evidence presented indeed fails to establish that (Miranda) committed the crime of Estafa, moreso, Syndicated Estafa.”
Ibinasura rin ang isa pang reklamo kay Neri, ang “violation of the Securities Regulation Code” base na rin sa desisyon ni Acting Presiding Judge Gina M. Bibat-Palamos ng RTC Pasay City Branch 111.
Sa kabilang banda, nagpasalamat si Chito ang pagkakabasura ng korte sa lahat ng kasong isinampa sa kanyang asawa.
Ani Chito, “Mabuti na lang talga na alam ni Lord ang buong katotohanan kaya never Nya pinabayaan si Neri. Sobrang blessed din kami dahil the people who matter knew the truth as well and did everything they could to help and support her.”
