HATAW! D'yaryo ng Bayan hatawtabloid.com
TINATAYANG mahigit sa dalawang kilong pinatuyong dahon ng marijuana ang nakompiska ng mga awtoridad sa isang operasyon na isinagawa sa Purok 1, Brgy. Batong Malake, Los Baños, Laguna, kahapon ng 1:15 madaling araw, 12 Pebrero.
Sa ulat ng Los Baños Municipal Police Station (MPS), nagsagawa sila ng operasyon laban sa ilegal na droga na nagresulta sa pagkakakompiska ng mga nasabing ebidensiya.
Ngunit sa gitna ng operasyon, naramdaman ng mga suspek na nakikipag-deal sila sa isang pulis, kaya agad bumunot ng baril at nagpaputok laban sa operating team, saka tumakas patungo sa Rockville Subdivision, Brgy. Batong Malake, Los Baños, Laguna, kung saan iniwan nila ang sasakyan (van) na kanilang minamaneho kasama ang mga ebidensiya habang tinatakasan ang pag-aresto.
Nakuha ang dalawang piraso ng selyadong malinaw na plastic bag na naglalaman ng hinihinalang marijuana, may timbang na dalawang kilo at may karaniwang halaga ng droga na P240,000; apat na piraso ng medium sealed transparent plastic sachets ng pinaghihinalaang marijuana, tinatayang 250 gramo, at may standard na presyo ng droga na P30,000; isang puting Toyota Hi-Ace van, may plakang NAR-6300; isang Caliber .38 pistola, isang fired cartridge sa loob; limang piraso ng bala ng Caliber .38; at isang pulang backpack.
Habang ang mga suspek na sina alyas Nixie, babae, nasa wastong gulang, residente sa Brgy. Calo, Bay, Laguna at isang John Doe ay kapwa nakatakas.
Patuloy ang isinasagawang manhunt operations para sa ikadarakip ng dalawang suspek. Posibleng maharap sa kasong paglabag sa Seksiyon 11 ng RA 9165 (Comprehensive Dangerous Drugs Act 0f 2002) at RA 10591 kaugnay ng Omnibus Election Code
(BOY PALATINO)
