HATAW! D'yaryo ng Bayan hatawtabloid.com
RATED R
ni Rommel Gonzales
ILULUNSAD sa Courage concert ni Gerald Santos ang advocacy niyang Courage Movement.
Layunin nito na makatulong sa mga biktima ng sexual abuse at harassment.
Ang Courage Concert ay gaganapin sa SM North EDSA Skydome sa January 24 na isa sa mga special guest ay si Sheryn Regis.
Available ang tickets sa Smtickets.com o sa link na ito-
“We’re planning na magkaroon ng mga therapy na mga session for the victims,” ani Gerald.
“Or legal assistance. Basta, kung ano ‘yung maitutulong namin… we will do that for the victims.
“At in my own small way, para makatulong din ako sa victims like me.”
Last year ay buong tapang na isiniwalat ni Gerald na siya ay biktima ng pang-aabusong sekswal at ang akusado umano ay ang musical director na si Danny Tan.
Labingsiyam na taong nanahimik si Gerald bago nagkalakas ng loob na isiwalat ang masakit na sinapit niya.
“There’s a time for everything,,” bulalas ni Gerald.
“Tapos iyon nga, kasi I’m the breadwinner of the family so parang naging, imbes na mag-focus ako roon [sa traumatic experience] parang sabi ko, kailangan kong kumayod na lang for my family.
“So naging busy ako about life, in-overcome ko, napilit ko siyang ma-overcome.
“And then nitong lumabas ‘yung isyu na iyon nagulat ako na somehow fresh pa rin siya.
“Nandoon pa rin iyong sugat, siyempre nandoon pa rin.
“Kasi never namang nagkaroon ng closure.”
Kung sakaling makakaharap niya si Danny, may itatanong ba siya rito?
“Wala naman akong itatanong sa kanya.
“Baste ang masasabi ko lang ayun, walang lihim na ‘di mabubunyag. Kahit gaano katagal, biruin mo ‘yun, 19 years lumabas pa rin so hindi siya makakawala sa katotohanan, sa hustisya.
“Darating talaga ‘yung hustisya sa bawat isa.”
Samantala nito lamang Enero 10 ay ini-release ang latest single ni Gerald na pinamagatang Hubad sa lahat ng digital music platforms.
Ibang tunog o ibang Gerald Santos bilang singer ang maririnig sa Hubad.
Ang Hubad ay composed ni Feb Cabahug.
May bago ring pelikula si Gerald, ang Ayaw Matulog Ng Gabi na ang scriptwriter at direktor ay ang NBI agent na si Ronald Sanchez.
