Sylvia namroroblema ticket sa Juan Karlos LIVE concert marami pang naghahanap  

SHOWBIZ KONEK
ni Maricris Valdez Nicasio

DREAM come true kay Juan Karlos Labajo na magkaroon ng concert sa SM Mall of Asia Arena. At ito ay isinakatuparan ng Nathan Studios na pag-aari ng pamilya ni Sylvia Sanchez.

Sa November 29, gaganapin ang juan karlos LIVE bilang selebrasyon ng 10th anniversary ni Juan Karlos sa industriya.

“This is a dream come true. This proves that there is a room for everyone in the music industry. I’ve always wanted it, and it’s finally happening thanks to Nathan Studios, who believes in my worth and artistry,” ani Juan Karlos sa mediacon na isinagawa sa Sentro Artista Art Hub sa The Arton Strip by Rockwell.

Pagbabahagi ni JK, matagal na siyang kinukumbinse ni Ibyang (tawag kay Sylvia) na mag-concert sa isang malaking venue. Natagalan lang magdesisyon ang singer/aktor dahil feeling niya ay hindi pa siya handa at nasanay sa maliliit na venues.

Pero nang sabihin ni Ibyang na isipin na lang niya na para iyon sa kanyang fans na gusto siyang makitang mag-perform, doon na nabago ang desisyon niya at naisip na tama ang aktres at nagpasalamat sa Nathan Studios sa pagtitiwala sa kanya.

“The concert’s production team is working hard to polish all the elements needed in order to provide the greatest possible concert experience for everyone. Of course, they’ll hear and see me perform my hits as well as a few songs that have influenced me as an artist,” sabi pa ng singer/composer.

Sinabi pa ni Sylvia na sold out na ang SVIP section ng concert ni JK kaya naman masayang-masaya ang singer/actor nang malaman ito.

Namroroblema nga raw sila, ani Ibyang dahil marami pang naghahanap ng ticket para sa pinakamahal na section ng concert. Ibang klaseng stage ang ginawa nila na pang-international ang dating kaya imposible nang madagdagan pa ng upuan.

Sa kabilang banda, natanong si JK ukol sa kasabayan nito sa The Voice Kids na si Darren Espanto. Naging honest si JK sa

pagsasabing hindi niya sana gustong pag-usapan pero diretso niyang sinabing open naman siya sa possibility ng pagkakaayos.

“It’s not something I wanna talk about, definitely. It’s not something that’s part of my day to day thoughts.

“Ako naman, on my end, without mentioning anybody, it’s really. . .we’re all grown-ups here and ako, more than anything, love is what matters most.

“So, alam mo ‘yun, my door is open wide in terms of. . .Diyos ko naman, talagang mag-i-stress pa ba tayo sa mga ganyang drama? Ang dami kong drama sa buhay,” nakangiti niyang sey.

“I’ve always been fine, actually, I’ve always been open, I’ve always been kind and I will never speak on other people’s behalf. For my end, ako, there’s nothing negative on my end,” dagdag pa ni JK.

Ukol naman sa posibilidad ng collaboration with Darren, “Again not talking about somebody, mentioning anybody specifically but we have amazing artists here and we have amazing performances and all of these issues ang things aside, it doesn’t take away that kind of talent and skills that these people have.

“It’s always there. But then again, more that anything it’s really time that heals all wounds. It’s really time and growth that heal all wounds,” wika ni JK.

Sinabi pa ni Jk na tapos na ang issue nila ni Darren lalo’t mga bata pa sila noong mangyari ang kanilang alitan.

“And again, in relation to this topic, anything for my end, I’m open and I am way past all of those things and now, I’m just really focused on the concert,” giit ni JK na ang tickets para sa kanyang juan karlos Live ay available sa lahat ng SM Ticket outlets. 

Ididirehe ni Paolo Valenciano with Karel Honasan as Musical Director ang juan karlos LIVE!