HATAW! D'yaryo ng Bayan hatawtabloid.com
Isumbong mo
kay DRAGON LADY
ni Amor Virata
PAG-UUSAPAN na sa Commission on Elections (Comelec) ang araw na aalisin muna ang mga police escort sa mga kandidato at ililipat ng destinasyon partikular ang may mga kaanak na kandidato sa isang lugar.
Paiiralin na rin ang gun ban nang mas maaga ayon sa Comelec upang maiwasan ang pagkakaroon ng impluwensiya na kung minsan ay posible ang harrassment sa mga botante.
Bibigyan ng protective security ang isang kandidato kapag kinakailangan.
INCUMBENTS ‘DI DAPAT MAG-RESIGN
PAANO na ang operasyon ng mga local government kung pahihintulutan mag-resign sa kanilang puwesto ang bawat incumbent na kakandidato sa sunod na eleksiyon.
Puwede siguro ‘yung dati na isa o dalawang buwan ay maglalagay ng temporary officer-in-charge sa isang lokal na pamahalaan, na bawal gumawa ng programa para sa mga proyekto kundi suweldo lamang ng mga empleyado o sa payroll list lang muna pipirma ang mga itatalagang OIC.
Paano naman kung unopposed candidate ka o walang kalaban? Partikular sa posisyong alkalde, bise-alkade, congressman O gobernador?
Sa aking opinyon, lahat ay dapat muna umalis at asikasuhin muna ang pangangampanya para sa katiyakan na walang pondo mula sa kaban ng bayan na lalabas.
