Ice muntik ma-scam ni ‘Jolina’

MA at PA
ni Rommel Placente

MUNTIK na palang mabiktima ng isang scammer si Ice Seguerra na gamit ang pangalan ni Jolina Magdangal. Ang nagpapanggap na si Jolina ay humihingi ng pera kay Ice, para pantulong daw sa mga nasalanta ng bagyong si Carina.

Buti na lang daw at naunahan na ni Ice ang scammer.

“Posting this because someone’s using Jolina’s name asking for funds.

“Buti na lang, nakausap ko agad si Mark Escueta and na-confirm ko na ginagamit lang ang pangalan ni Jolina. Ingat kayo!” ang babala ni Ice sa kanyang Facebook page.

Ibinahagi rin ni Ice ang palitan nila ng private message ng nagpapakilalang si Jolina.

“Hi Ice,

“How are you.

“I have a favor lang sana if that’s okay.

“I am collecting funds kasi right now for typhoon Carina Ph victims. Pupunta kami ng husband ko this 6pm sa Marikina to help. I just want to ask if you can give even a little extra lang to help the victims?

“Even a little to add funds lang please,” mensahe pa ng scammer.

Sinagot siya ni Ice pero alam na nitong poser ni Jolina ang ka-chat, dahil nakausap na nga niya si Mark, “That’s a good gesture. I’m helping out na rin coz I have my own org, eh!”

Hindi na nabanggit ni Ice kung sumagot at namilit pa rin ang scammer pero todo ang pasalamat sa kanya ng asawa ni Jolens sa pagpo-post niya sa FB para mabalaan ang publiko.

“Thank you talaga, Ice!” mensahe ni Mark sa FB post ng mister ni Liza Dino.

Sa comments section ng Facebook post ni Ice, mababasa ang post ng Kapamilya singer na si Jed Madela. Aniya, “Nag-message rin sa akin ‘yan!”