HATAW! D'yaryo ng Bayan hatawtabloid.com
NASAKOTE ang isang lolang 64-anyos, itinuturing na isang high value individual (HVI) kabilang ang isa pang alalay nita makaraang kumagat sa buybust operation sa Malabon City, kamakalawa ng gabi.
Kinilala ni Malabon City police chief P/Col. Jay Baybayan ang naarestong mga suspek na sina alyas Tam, 62 anyos, HVI, at alyas Vinz, 45 anyos, kapwa residente sa lungsod.
Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Baybayan na ikinasa ng mga operatiba ng Station Drug Enforcement Unit (SDEU) ang buybust operation laban kay Tam matapos ang natanggap na impormasyon hinggil sa kinasasangkutan nitong illegal drug activities.
Isang undercover police ang nagawang makipagtransaksiyon sa suspek pata makabili ng shabu at nang tanggapin nito ang marked money mula sa pulis na nagpanggap na buyer kapalit ng isang plastic sachet ng droga ay agad siyang inaresto ng mga operatiba, kasama ang kanyang kasabwat na si alyas Vinz dakong 8:45 pm sa Ortega St., Brgy., Tonsuya ng nasabing lungsod.
Nakompiska sa mga suspek ang nasa 10.20 grams ng hinihinalang shabu na may standard drug price (SDP) value na P69,360 at buybust money.
Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (ROMMEL SALES)
