Marion 2 tropeo nakopo sa 15th PMPC Star Awards For Music 

MA at PA
ni Rommel Placente

SA darating na 15th PMPC Star Awards For Music na gaganapin soon ay nakakuha ng dalawang award ang mahusay na singer-composer na si Marion Aunor.

Ang isa ay ang Revival Recording of the Year para sa kanta niyang Nosi Balasi, mula sa Viva Recordsat Wild Dream Records.

Bukod dito ,siya ang itinanghal na Female R&B Artist of the Year para sa isa pa niyang awitin na Traydor Na Pag-ibig.

Siyempre pa, masayang-masaya si Marion sa dalawang awards na natanggap mula sa nasabing award-giving body.

Sa kanyang FB post ay pinasalamatan niya ang Star Awards For Music, lahat ng naging bahagi ng kanyang dalawang kanta, at hindi niya rin nakalimutang pasalamatan ang kanyang mommy, si Ms Lala Aunor, sa pagiging supportive sa kanyang career, gayundin ang nakababatang kapatid na si Cool Cat Ash.

Narito ang FB post ni Marion.

“Thank you PMPC Star Awards for the recognition & thank you Lord for another blessing.“Nosi Balasi” for Revival Recording of the Year and Female R&B Artist of the Year for my orig song “Traydor Na Pag-ibig.

“Also want to say thank you to Direk Darryl Yap, Boss Vic, and my Viva family— I would not have gotten these awards if my music hadn’t been a part of your wonderful films 

“Shout out as well to my record label, Wild Dream Records, our music prod company Aunorable Productions, and especially my sister and co-producer Cool Cat Ash — these songs/renditions wouldn’t exist without you.

“Lastly, I want to thank my mom @lala_aunor for supporting me and ash through everything. Love you!”