HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Kaye Abad sa Fast Talk With Boy Abunda ng GMA-7 noong Biyernes, napag-usapan ang mga nakarelasyon niyang showbiz personalities, na sina John Lloyd Cruz at Parokya ni Edgar lead singer, Chito Miranda.
Ayon sa aktres, maayos ang paghihiwalay nila noon ni Chito at hanggang ngayon, magkaibigan pa rin sila.
Sabi ni Kaye, “We’re still friends. We broke up na magkaibigan kami. He even invited me sa wedding niya. Invited din siya sa wedding ko.
“Ayan, parang sinabi ko na ako nga ‘yung nakipag-break, ‘di ba?
“Sa amin kasi ni Chito, parang nagkaintindihan kami na, ‘It’s better this way.’ Na, it’s better na maging friends na lang kami and na-maintain namin na friends kami.”
Dagdag niya, “Kinuha pa siya ni Paul Jake (asawa ni Kaye, na dating artista) sa Cebu for a gig and we watched his gig.”
Inamin naman ni Kaye na hindi naging madali sa kanyang mag-move on nang maghiwalay sila ni John Lloyd. Ito ay dahil magkatrabaho at love team sila noon sa Tabing-Ilog, isang defunct youth-oriented series ng ABS-CBN.
“Ngayon ko lang din nare-recall. Nag-‘Tabing-Ilog,’ hiwalay na kami, so nahirapan ako dahil nagtatago na kami.
“Ayaw na ng parents ko. Nagtatago kami sa yaya ko kasi kapag wala nang take, makikisingit ako sa dressing room nila para magkasama kami.
“Nahihirapan akong mag-move on kasi magkatrabaho kami, magka-love team kami. Umabot sa point na mag-asawa kami sa ‘Tabing-Ilog.’
“Tapos nagka-girlfriend siya after ko. Hindi na niya ako pinapansin kasi nagseselos ‘yung girlfriend sa akin so, nahihirapan ako,” pagbabahagi pa ni Kaye.
