HATAW! D'yaryo ng Bayan hatawtabloid.com
MA at PA
ni Rommel Placente
SA interview ni Kristoffer Martin sa podcast ni Pia Arcangel na Surprise Guest with Pia Arcangel noong April 3, inamin ng aktor na may lihim siyang pagtingin noon kay Kathryn Bernardo.
Sa bahagi ng interview, inalala ni Kristoffer ‘yung mga panahon na kasama siya sa Philippine adaptation ng Korean drama series na Endless Love na umere noong 2010, nakasama niya si Kathryn. Bida sa serye ang mag-asawang Dingdong Dantes at Marian Rivera.
Gumanap si Kristoffer na young Dingdong, habang si Kathryn naman ang batang Marian bilang mga bidang karakter na sina Johnny at Jenny.
Unang naitanong ni Pia kay Kristoffer kung mahirap bang i-portray ang role na may love interest bilang nasa edad 13 pa lang siya noon.
“Parang high school po ako noon, parang lahat naaapektuhan ako kasi bata eh… Mas madali po siya kasi maharot po ako noong teenage years ko,” sagot ng aktor.
Kasunod niyan, naungkat na nga kung nagkaroon ng crush si Kristoffer kay Kathryn.
Deretsahang pag-amin ng aktor, “Opo”
“For me, it added na lang din doon sa chemistry namin, kung paano namin siya ginawa,” chika niya.
Aniya pa, “Pero siyempre hindi ko po inamin sa kanya ‘yun.”
“At saka sana ‘di niya ‘to mapanood,” dagdag pa niya habang natatawa.
Noong Pebrero lamang nang ihahag ni Kristoffer ang pagnanais na muling makatrabaho si Kathryn.
“Kath, baka naman ‘di ba? Work tayo. Sayang ‘yung ‘Endless Love’ oh. Tuloy natin,” panawagan niya sa naging interview sa Fast Talk with Boy Abunda.
Samantala, kasalukuyang mapapanood si Kristoffer sa Kapuso afternoon series na Makiling starring Elle Villanueva at Derrick Monasterio.
Ginagampanan niya ang karakter bilang si “Seb” na isa sa mga kinaiinisang kontrabida sa programa.
Umeere ang serye mula Lunes hanggang Biyernes sa GMA Afternoon Prime.
