HATAW! D'yaryo ng Bayan hatawtabloid.com
MA at PA
ni Rommel Placente
IBINALITA nina Donny Pangilinan at Belle Mariano sa isang interview na malapit nang matapos ang kanilang TV series na Can’t Buy Me Love kaya naman nakakaramdam na rin sila ng separation anxiety.
“Sepanx! Because just imagine it being your routine for eight (8)months, you know, waking up, seeing the same people every single day I’ll definitely miss them,” sabi ni Belle.
Pero promise ng dalawang Kapamilya stars, napakarami pang mangyayaring pasabog sa serye na ikagugulantang ng mga manonood.
Sa mga next episode ay sandamakmak na twists and turns ang dapat abangan ng mga DonBelle fan.
Samantala, naging isa sa top trending topic sa social media ang Kapamilya phenomenal loveteam habang nagbabalita ng showbiz news sa Star Patrol. Yes, naging guest Star Patrollers sina Donny at Belle sa newscast ng ABS CBN.
Masasabing makasaysayan ang guesting ng DonBelle sa news program dahil sila ang first Kapamilya loveteam na nag-anchor ng Star Patrol.
Aminado si Belle na talagang inatake siya ng matinding kaba nang sumalang sa newscast pero super grateful siya na nabigyan ng chance na maging Star Patroller.
In fairness naman, nabigyan ni Belle ng justice ang ibinigay na assignment kaya nga ang request ng fans, sana’y maulit pa ito ng maraming beses.
Para naman kay Donny, “Sobrang grateful lang kami, sobrang blessed. These types of opportunities, we really don’t take for granted.
“Some may say na guesting lang ‘yan! ‘Pag first time namin nagagawa ‘yung isang bagay, nakae-excite and it also adds to our experience,” aniya pa.
