HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HOW true na hindi muna bibigyan ng project si Andrea Brillantes after Senior High? Ito’y dahil umano sa pagkakasangkot ng aktres sa hiwalayang Daniel Padilla at Kathryn Bernardo.
Usap-usapan ang posibleng pagtetenga muna kay Andrea matapos ang magkasunod na pagpirma muli ng kontrata nina Kathryn at Daniel kamakailan sa AB-CBN.
Pero bago kumalat ang usaping ito’y nabalita nang may kasunod agad na project ang aktres dahil maganda naman ang ratings ng Senior High.
Sa nakaraang episode ng Ogie Diaz Showbiz Update natalakay nina Ogie, Mama Loi, at Tita Jegs ang ukol sa kung ano na nga ba ang kasunod na project ni Andrea.
Ani Ogie, “Maganda ‘yung ‘Senior High,’ sobrang kabog ang acting ng mga bata, lahat sila. At may batang nagtanong sa akin kung ano na nga ang next project ni Andrea Brillantes after ng ‘Senior High?’”
“Actually kasi dapat masundan na ‘yon (Senior High). Sana masundan siya. Kasi kahit naman ako, pwede akong maghanap pa o mag-crave ng more sa isang Andrea Brillantes pagdating sa series. Eh, lalo na successful ang ‘Senior High,’” sey ni Papa O.
“May plano ang ABS-CBN kay Andrea dahil may nakausap nga ako sa management na magkakaroon ng sequel ang ‘Senior High’ dahil may clamor at maganda ang serye at sila-sila pa rin ang bida,” dagdag pa ni Papa O.
“Despite the fact na may mga issue na involve si Andrea, hindi siya pababayaan ng ABS-CBN,” sabi pa.
Na senegundahan naman ito ni Jegs ng, “Sana.”
‘Sa akin naman, hindi tayo sa issue, mahusay umarte ang isang Andrea Brillantes,” pakli pa ng manager/vlogger.
Sa totoo lang, sobrang pamba-bash at pagnenega ang natanggap ni Andrea nang masangkot ang pangalan niya sa hiwalayang Daniel-Kathryn.
