Janice puring puri si Ariel, tumatayong tatay din sa kanyang mga anak

MA at PA
ni Rommel Placente

SOBRANG nagpapasalamat at masaya si Janice de Bellen na si Ariel Rivera ang naging asawa ng kanyang nakababatang kapatid na si Gelli.

Hindi raw kasi selfish si Ariel at talagang tumatayo na rin itong tatay sa kanyang mga anak bilang isa nga siyang single working mom.

Sabi ni Janice sa panayam sa kanya ni Karen Davila, “I am happy for her and I am thankful si Ariel ang asawa niya because si Ariel is not only good to her. He is good to  us.”

Patuloy na chika ng actress-TV host, “Because when my mom passed, he was there, he helped us. We had somebody who was calmer than us.”

Noong naging mag-asawa raw sina Gelli at Ariel at nagkaroon ng mga anak, nag-e-effort din ang singer-actor para mapalapit sa kanyang mga anak.

“He was good to my kids. He never thought of them as anybody different. Ano rin siya parang tatay kung magsermon. Minsan tatanungin pa niya ako, ‘Okay lang ba pagkakausapin ko (anak mo)?’ Sabi ko go!’

“So for a really long time he was also a father-figure to my kids and I am really thankful for that. Kasi lagi kong iniisip kung iba ‘yung asawa ni Gelli, paki ba naman niya sa amin,” sey pa ni Janice.