HATAW! D'yaryo ng Bayan hatawtabloid.com
ni ALLAN SANCON
MALAYO na talaga ang narating ng career ni Yassi Pressman dahil bukod sa kanyang mga teleserye at hit movies ay kasali rin siya sa International Korean Film na The Guardian na makakasama niya ang mga Korean actor na sina Nam Woo Hyun, Park Eun Hye, at Han Jae Seok.
Isa itong action-drama collaboration film between Phillippines and South Korea tungkol sa mapagmahal na anak na haharapin ang lahat para sa kanyang ina.
Gagampanan ni Yassi ang role ni Sandara na nangangarap maging K-Pop Star. Aminadong nag-audition si Yassi para makuha ang role ni Sandara at ikinuwento niya kung ano ang ipinagawa sa kanya.
“Basta sinabi lang nila sa akin na ‘do your best’ Tinanong ko sa kanila kung ano ang gagawin ko, iiyak ba ako or tatawa sa audition? Pero pinakanta at pinasayaw nila ako dahil ang gagampanan ko pala ay ang role ng isang Pinay na nangangarap maging K-pop star.”
Medyo challenging daw ang gagawing project na ito ni Yassi dahil 1st time niyang makakatrabaho ang mga Korean actor dahil nga siguro sa language barrier. Tanging sign language ang kanilang communications.
Makakasama rin sa cast members sina Jeric Raval, Joko Diaz, WIlbert Ross, Eric Ejercito, Heart Ryan, Ashtine Olviga at marami pang iba.
Nagsanib-puwersa ang Parallax Studio, Robosheep Studios, GV Labs, Will Studios, Viva Films, atOvation Productions para gawin ang action-drama korean film na The Guardian. This is directed by Jeong Jang Hwan na ipapalabas hindi lang dito sa Pilipinas maging sa ibang bansa.
Abangan!
