Daniel kay Kathryn — ang pagmamahal ko sayo ay walang hanggan at walang katapusan

SAMANTALA, matapos kompirmahin ni Kathryn Bernardo ang lbreak-up nila ni Daniel Padilla, ang aktor naman ang nag-post ng statement sa kanyang Instagram account.

“Ikat at ako,” ang caption ni Daniel kalakip ang statement at dalawang larawan nila ni Kathryn.

“11 years,” simula ng statement ng aktor. “Sa mundo, buhay at sa limitadong oras na tayo ay nandito, Isang malaking biyaya ang pagmamahal. Ang mahalin ka. At mahalin mo. 

“Ang mga alaala natin ay laging kong baon sa aking puso at magiging liwanag sa mga madidilim kong araw.

Nagpasalamat si Daniel kay Kathryn sa mga pagdamay sa kanya sa lungkot at tuwa.

“Thank you for dancing with me during my highs and thank you for singing with me during my lows.

“Our lives may drift away, but our love will still ride that tide.”

At tulad ni Kathryn hindi rin nakalimutan ni Daniel ang kanilang fans. Anito, “Kathniels, Maraming salamat sa pag mamahal ninyo. maraming salamat sa napaka gandang pinag samahan natin. Hinding hindi namin ipag papalit at hindi makukumpara kahit anong pang gawin nila. Hinding hindi nila pwedeng sirain yun. This is beyond show business. Pamilya kayo at mga kaibigan.

“Magiging mahirap pero kailangan natin yakapin ang kinabukasan.

“I pray for us to grow, and heal.”

At sa huli isang madamdaming mensahe ang ipinukol ni Daniel kay Kath.

“Bal, ang pagmamahal ko sayo ay walang hanggan at walang katapusan.”