Kier ipinagtaka paglayo ni Dani sa kanya

MATABIL
ni John Fontanilla

IPINAGPASA-DIYOS na lang ni Kier Legaspi ang tungkol sa problema nila ng anak niya kay Marjorie Barretto, si Dani Barretto.

Tsika ni Kier, “I’m just here, if you need me, ang relationship ko sa kanya, ipinasa-Diyos ko na lang.”

Matagal nang walang komunikasyon si Kier kay Dani. Nagtataka nga ang aktor dahil sa pagkakaalam nito ay wala siyang atraso sa anak.

Noong time nga na magkaproblema ito sa bahay nila ay sa kanya ito tumakbo at noong bumalik kay Marjorie ay naputol muli ang kanilang pag-uusap.

Dagdag pa ni Kier,  “Open ang line ko, I’m just here. Ito naman talaga ang obligasyon ng magulang na mahalin ang anak kahit anong  mangyari. 

“And take note, vice versa kahit naging masama o mabuti ang magulang mo rerespetuhin mo ‘yan, mamahalin mo ‘yan dahil kung wala ang magulang mo hindi kayo mabubuhay.”