HATAW! D'yaryo ng Bayan hatawtabloid.com
MATABIL
ni John Fontanilla
NAPAKASIPG ng sumisikat na teen actor na si Michael Sager na kahit sobrang busy dahil sa rami ng regular shows ay nakagawa pa ring dumalo sa pa-block screening ng pelikulang kanyang kinabibilangan, ang Five Breakups and A Romance na pinagbibidahan nina Alden Richards at Julia Montes.
Ginanap ang block screening ng pelikula sa SM North Edsa The Block Director’s Club Cinema 1 last Oct. 22, hatid ng mga napakasipag na admin ng solid supporters nitong Sager Warriors na nag-celebrate ng kanilang 5th Monthsary ng araw na iyon.
Ilan sa mga show ni Michael sa Kapuso Network ang All Out Sunday, Sparkle University, Unang Hirit, Abot Kamay ang Pangarap, at ang paparating at pinagbibidahan nitong adaptation ng sikat na Korean serye na Shining Inheritance.
