Gabby at David bibida sa isang charity show

MATABIL
ni John Fontanilla

ISANG napakalaking show ang magaganap sa kaarawan ng kaibigang Genesis Gallios sa Newport Performing Arts Theater sa September 30, 2023, ang Star Studded 50th Birthday Charity Show  Oh! M Genesis! sa direksiyon ni Andrew D Real.

Ilan sa malalaking bituin na magpe- perform sa kaarawan ni Genesis sina Gabby Concepcion, Dulce, David Licauco, Derrick Monasterio, Jona Viray, Katrina Velarde, Kelvin Miranda, Tekla,  Jessica Villarubin, at Lyka Estrella. 

Makakasama rin sina Ima Castro, Sephy Francisco, Frankendal Fabros, Breezy Boys, Gents Squad, Pink Mannequins, Inamei, RHM Models, at Femme MNL.

Isa sa aabangan sa birthday charity show ang pasavogue at espesyal na performance ng celebrant na si Genesis.

Ang charity show ay for the benefit of  Reception and Study Center for  Children, Home for the  Golden Gays, at Verlanie Foundation.