Hindi nakontento sa eskuwelahan estudyante itinanan, pinagparausan
TITSER ARESTADO SA PANGHAHALAY SA 11-ANYOS DALAGITA

“NANDOON ‘yung paghingi ko ng tawad, hindi mawawala ‘yun, andoon ‘yung totoong nararamdaman ko na nagsisi naman talaga ako,” umiiyak na pahayag ng isang gurong suspek sa panghahalay ng kanyang 11-anyos na estudyante sa Valenzuela City.

Hindi mapigilan, sa labis na galit ng ina ng biktima, nang makita ang suspek na kinilalang si Kevin Ong, 32 anyos, teacher, habang nagpupumilit abutin ang ulo nito upang saktan ngunit naawat ng mga arresting authority.

Ito ay matapos maaresto ang guro makaraan niyang itanan at ilang ulit pinagsamantalahan ang

11-anyos dalagitang estudyante na dinala sa isang motel sa Valenzuela City.

Batay sa ulat, 3 Setyembre, nang hindi umuwi ang dalagita na noon ay itanan ng suspek at nakitang nag-check in ma nakunan ng CCTV sa isang motel sa Valenzuela City.

Nakunan din na kasama ang biktimang dumeretso sa second floor, bukod pa sa kuha ng video na dala ang mga bag patungo sa isang kuwarto kung saan inabot ng higit sa 24 oras.

Batay sa ulat ni Atty. Rommel Vallejo, Regional Director ng National Bureau of Investigation – National Capital Region, Lunes ng umaga na ibinalik ng suspek ang dalagita.

Simula umano noong Hunyo, tatlong beses kung halayin ng suspek ang estudyante kapag ipinapatawag sa loob ng opisina kung saan pinaiinom umano ng pills para hindi mabuntis.

Nasampahan ng mga kasong Statutory Rape, Child Abuse, at Abduction of Minor ang suspek. Patuloy ang imbestigasyon kung may iba pang estudyante ang nabiktima ng manyak ng guro. (ROMMEL SALES)