HATAW! D'yaryo ng Bayan hatawtabloid.com
HARD TALK
ni Pilar Mateo
WHAT’S with Andre Yllana?
Nang makausap namin ito sa cast reveal ng Safe Skies, Archer ng Viva One, happy ang binata ni Aiko Melendezdahil magko-concentrate na talaga siya in his career as an actor.
Malungkot man siya na pahinga muna ang kanyang pangarerang kotse na regalo ng tatay niya na si Destiny, wala rin siyang magagawa dahil mahal nga ang kumarera sa panahong ito. Pero kung may invitations for his performance once in a while at tumakbo at humawak ng manibela ay magagawa pa rin naman niya.
Happy si Andre in his character as Adonis sa naunang The Rain in España na ito na ngang SSA ang kakabitan. Si Gino Santos na ang direktor nito mula sa libro ni Gwy Saludes.
At happy din naman si Andre to welcome ang bibigyang-pansin sa mga bagong karakter nila.
Tinanong namin si Andre sa kanyang lovelife.
“Kaka-break pa lang po namin. We were together for about four months. Ako na po muna nag-decide at napag-usapan naman namin na to have it this way. Na kanya-kanya na muna.”
Ikatlong relasyon na pala niya ito. At marami na ring natutunan si Andre.
Natutunaw si Andre sa mata ng isang babae. Pero ‘yun nga, mahaba-habang proseso rin ang mapasok sa isang relasyon.
“Ayoko na muna po. Yes, non-showbiz sila. Pero wala rin naman akong balak na manligaw sa taga-showbiz. Mas masaya na magsama-sama sa trabaho. Na ‘di maaapektuhan ang trabaho.”
Kung mag-eenrol na siya in college, Public Administration ang kursong kukunin ng guwapong binata.
“Nakita ko na ‘yun kay Mama. Naipamulat na niya sa amin ni Mimi (Marthena) ang maging matulungin sa kapwa. And she’s been doing that for most of her life. At kapag may mga baba nga siya sa mga tao at nagsasabay-sabay ang skeds, ako muna ang pinahaharap niya sa tao…training ground na rin. Pero iba pa rin ‘yung may knowledge ka about it. Hindi naman ‘yun sasalang ka na wala kang alam sa magiging trabaho mo if ever.”
Mahigpit na kuya raw si Andre sa kanilang bunso. Na lumalaki ngang maganda at pwedeng isabak sa beauty pageants soon.
“Mostly players ang mga nagpapakilala (Volleyball player si Mimi). Lahat ‘ata ng sports.”
Viva artist na si Andre. Kaya tiwala ang Mama Aiko niya na masusundan pa ang mga proyektong gagawin ng binata rito.
