HATAW! D'yaryo ng Bayan hatawtabloid.com
HATAWAN
ni Ed de Leon
OKEY naman ang takbo ng kanyang Careless Music sabi ni James Reid, pinalalabas niyang hindi naging drawback para sa kanila ang nangyari sa kasosyong si Jeffery Oh. Sinasabi nga ni James na maraming pagsubok sa kanilang bagong kompanya pero lahat naman ay napagtatagumpayan nila.
Sinabi rin niyang natutupad naman nila ang kanilang mga pangarap at tuloy ang collaboration nila sa mga foreign artist at companies.
Pero nasaan nga ba ang ipinagmamalaking tagumpay ng Careless Music? Wala kaming naririnig na naging top hit ng kompanya rito sa PIlipinas, at kung dito wala silang napasikat, sa abroad pa kaya?
Tahimik na rin ang dati ay maingay na ambisyon ng kanilang talent na si Liza Soberano. Mayroon na nga ba siyang project sa Hollywood kahit na extra lang. O nananatiling ambisyon lang ang lahat?
Malapit nang magdalawang taon na walang balita kay Liza. Noon napilayan ang kanyang daliri kaya hindi siya makapagtrabaho. Nang maoperahan na ang daliri niya noong pandemic, wala na siyang trabaho. Talaga nga kayang matutulungan siya ni James na magkaroon ng career sa Hollywood?
Duda kami dahil kung may magagawang ganoon si James ‘di dapat siya mismo may career na sa Hollywood. Eh sa takbo ngayon mukhang puro ambisyon lang din ang kanyang career.
