HATAW! D'yaryo ng Bayan hatawtabloid.com
MATAGUMPAY na nasagip ng mga awtoridad ang anim na indibidwal na pinaniniwalaang biktima ng human trafficking sa isinagawang operasyon sa lungsod ng San Fernando, lalawigan ng Pampanga, nitong Sabado, 26 Agosto.
Sa ilalim ng pamumuno ni PRO3 Director P/BGen. Jose Hidalgo, Jr., sa pakikipagtulungan ng Regional Anti-Trafficking in Persons Task Group 3, WCPD, San Fernando CPS, at mga tauhan sa RRPTP mula sa DSWD FO3, isinagawa ang operasyon sa Golden Haven, Brgy. Calulut, sa nabanggit na lungsod.
Nagresulta ang operasyon sa pagkakadakip sa pinaniniwalaang bugaw na kinilalang si Jasmin Dela Peña, alyas Kang, 22 anyos; at pagkakasagip sa anim na indibidwal na sinasabing nag-aalok ng sexual services. Inihahanda ang kasong paglabag sa RA 9208, na inamyendahan ng RA 10364 at RA 7610 laban sa suspek para isampa sa hukuman. (MICKA BAUTISTA)
