Bantay salakay!
TINDERA NAAKTOHANG NANG-UUMIT NG PANINDA

HULI sa aktong nandurugas ng mga panindang ulam  ang isang tindera habang wala ang kanyang amo sa Navotas City, kamakalawa ng gabi. 

Mahaharap sa kasong paglabag sa Article 310 of RPC (Qualified Theft) ang inarestong suspek na si Jeanette Salazar, 51 anyos, storekeeper, residente sa Nadela St., Brgy Tangos South.

Batay sa ulat ni P/SSgt. Edison Mata, may hawak ng kaso, dakong 7:25 pm nang maaktohan ni Naomi Jemera, 28 anyos, business owner, ang suspek na kinuha ang mga paninda niya sa kanyang tindahan sa M. Naval St., Brgy, Tangos North.

Kaagad humingi ang biktima ng tulong sa mga tauhan ng Navotas Police Sub-Station 2 na nagresulta sa pagkakaaresto sa suspek.

Narekober sa suspek ang 7 packs ng sweet ham, 4 packs ng Pampanga’s best tocino, 2 packs ng pork tocino, 2 packs ng beef tapa, 1 pack ng carnival Hungarian sausage, at 1 pack ng Pampanga’s best BBQ ribs na may kabuuang halagang P1,568. (ROMMEL SALES)