HATAW! D'yaryo ng Bayan hatawtabloid.com
SINALAKAY ng mga anti-narcotic operatives ang isang makeshift drug den at nakorner ang limang drug personalities sa Brgy. Kaypian, sa lungsod ng San Jose del Monte, lalawigan ng Bulacan nitong Lunes, 7 Agosto.
Kinilala ng Philippine Drug Enforcement Agency – Central Luzon Provincial Office ang mga naarestong suspek na sina Emerson Centeno, 46 anyos; Ryan Joseph Papina, 40 anyos; Christian Jay Villanueva, 28 anyos; at Renato Mata, 43 anyos, pawang mga residente sa San Jose del Monte; at Abdul-Hadrame Bantuas, 40 anyos, residente sa Kidapawan, North Cotabato.
Nakompiska ng mga awtoridad mula sa mga suspek ang halos 15 gramong hinihinalang shabu na tinatayang nagkakahalaga ng P102,000; sari-saring drug paraphernalia; at buybust money.
Ikinasa ang drug sting ng magkasanib na mga elemento ng PDEA Central Luzon at ng lokal na pulisya.
Nakatakdang sampahan ng kasong paglabag sa RA 9165 o Comprehensive Dangerous Drugs Act of 2002 ang mga arestadong suspek. (MICKA BAUTISTA)
