HATAW! D'yaryo ng Bayan hatawtabloid.com
ALAM MO NA!
ni Nonie Nicasio
LABIS ang kagalakan ng newbie teen actress na si Jhana Villarin sa pagkakataong ibinigay sa kanya para maging contract artist ng Viva Artist Agency.
Pahayag ng 13 year old na dalagita, “Sobrang saya ko po, super-thankful kasi may nag-a-appreciate ng talent ko po. Kasi pinapirma nila po ako ng contract at naniniwala sila sa kakayahan ko.”
Dagdag pa ni Jhana, “Five years po ang contract ko and starting po this August 7 to 16, may acting workshop na po ako sa Viva… Sabi po kasi, kapag po pinag-workshop ay may project nang gagawin.
“Saka katatapos ko lang po ng shoot doon sa tatlo kong commercials and waiting po this month po iyong shoot date ng telecom at mobile apps.”
Ang dating Viva Hotbabe na si Maricar dela Fuente ang manager niya.
“Na-meet po siya ni Mama sa FB. Tapos in-invite po niya kami agad sa Viva and na-meet po agad namin si sir Vic del Rosario pagpunta namin, kasi nagpa-sched po talaga si mommy Maricar.
“Mabait po siyang manager at malambing, lagi po siyang nag-a-update kay mama,” wika pa ni Jhana.
Si Jhana ay mapapanood sa pelikulang Ani, na pinamahalaan at tinatampukan ni Tonz Llander Are, with Abegail Hernandez.
Second movie na ni Jhana ang Ani at nabanggit niyang challenging ang role niya sa pelikulang nabanggit. “Ang role ko po sa Ani ay anak nina Allan (Tonz) at Betty (Abegail) na may kapansanan na cerebral palsy.
“Supe- challenging po ito, kasi pangarap ko siyang maging role talaga… kasi iniisip ko, kaya ko po ba mabigyan ng magandang impact sa mga manonood ito? May maiiwan po ba ako na aral para sa ibang may kapansanan para hindi sila mawalan ng pag-asa sa buhay?”
Esplika pa ni Jhana, “Actually, medyo nahirapan po ako sa role, kasi wala po akong workshop sa role ko na ganyan. First time ko po na ginawa, na in-acting on the spot iyon.”
Anyway, mula sa Daydreamer Entertainment Production, tampok din sa pelikulang Ani sina Nicolle Ulang, Jhana Villarin, Prince Rae Dantes, Gabriel Khail Fragada, Don Sandino Asuzano, Ghan Belarmino, Clarence Fragada, Bien Bondal, Fiona Ulang, Jhon Paul Nierves, Edrain Yee Celino , JR Celino, Azhyl Melezandre, Jesu Palentinos, Hanna Rie, Angelyn Cequeña, Christian Escudero, Cheng Agapay, Nathaniel Navarro, Denzel Dominic Faller, Rosh Aaron, Sweet Gerrer, Lynx Seren, Celso Llander Are, Ronel Samar, Krisha Mae Dalanon, Harold Celino, Ferly Osial Marquez, Quiel Hernandez, at Antonio Rubianes.
