Quinn Carrillo ‘di nagpatalbog kay Ai Ai Delas Alas

MATABIL
ni John Fontanilla

HINDI napigilang maiyak ng 38th PMPC Star Awards for Movies Best New Female Movie Actress na si Quinn Carrillo sa Rami ng papuring natanggap sa mga taong nakapanood ng premiere night ng pinagbibidahan nilang pelikula ni  AiAi Delas Alas,  Litrato na idinirehe ni Louie Ignacio, hatid ng 3:16 Media Network ni Len Carillo.

Naganap ang red carpet premiere night sa Cinema 3 ng SM North Edsa.

Pagkatapos mapanood ni Quinn ang pelikula, sinabi nitong hindi niya napigilang hindi maluha dahil talaga namang makabagbag-damdamin ang takbo ng istorya ng pelikula.  Dagdag pa ang papuring natanggap ni Quinn at ng buong casts.

Kami man ay hindi rin napigilang maluha sa mga makabagbag damdaming eksena at sa husay ng pagkakagawa ni direk Louie.

Pero masasabi naming kakaiba at napakahusay ni Quinn dito, na ginampanan niya ang papel ni Angel, anak ni Ara Mina at apo ni Ai Ai.

Bagamat baguhan, hindi nagpatalbog si Quinn sa husay din sa pagganap ng comedy/concert na si Ai Ai na nakatitiyak kaming magbibigay sa kanya ng maraming Best Actress award.

Kasama nina Ai Ai at Quinn sa movie sina Ara, Bodgie Pascua, Liza Lorena atbp..

Kaya naman sugod na sa mga sinehan sa July 26 at panoorin ang pelikuland Litrato na hatid ng 3:16 Media Network.