HATAW! D'yaryo ng Bayan hatawtabloid.com
INILUNSAD ng Rizal Commercial Banking Corporation (RCBC) ang Pulz app boundless upang higit na mabigyan ng madaliang serbisyo ang kanilang walk-in customers at mga regular na kliyente.
Layon ng naturang app ng RCBC ay baguhin ang tradisyonal na banking system at sumabay sa makabagong teknolohiya.
Sa naturang app ay maaaring mag-open ng account ang sino mang nais magbukas na ang tanging kailangan ay isang valid ID (identification card) at hindi na kailangan pang tumungo sa banko para magsagawa ng transaksiyon.
Dahil sa naturang app ay maari na din ibawas sa account ang mga bayarin katulad ng credit card at iba pang mga utilities sa bahay.
Tiniyak ni Lito Villanueva , Chief Innovation & Inclusion Officer and Executive Vice President , RCBC at Chief Digital Transformation Advisor, YGC na protektado ang ano mang impormasyon o pagkakakilananlan ng kanilang kliyenteng mag-a-avail ng naturang app.
Tinukoy ni Villanueva na maituturing ang RCBC Pulz na isang all-in-one banking app na lubhang maghahatid ng madaliang serbisyo sa kanilang mga kliyente.
Sinigurado rin ni Villanueva na nakipag-ugnayan sila sa mga ahensiya ng pamahalaan na mayroong kaugnayan sa banking industry katulad ng Bangko Sentral ng Pilipinas.
Ito ay upang matiyak na protektado ng sistema ang umiiral na anti-money laundering law. (NIÑO ACLAN)
